India tetsür cricket team final-i iogo

Aami (June) 9, 2018 (Agencies): Asia Cup T-20 tournament tetsür cricket asaya nung India team final tongogo. Kuala Lumpur nung semifinal asaya nung India tsürtemi Pakistan tsürtem wicket 7 agi ayong ayonga kokogo. Point table nung temaba jenjang nung aliba India team-i Pakistan team-i yangluba run 73 over 17buba nung tongteta liasü. Captain Harmanpreet Kaur aser Smriti Mandhana na senteper run 65 yanglu. Mandhana-i run 38 yanglu saka Harmanpreet-i India team takoki ani, lai out mesüi run 34 yanglu. India team nungi bowler Ekta Bisht-i wicket asem agi. India Bangladesh den final asayatsü.
Bangladesh team-i semifinal nung Malaysia akok. Run 131 arishiba nung Malaysia team-i wicket 9 out sür run 60 dang yangluteta iba asaya makok.