India: Tetsütem nem maternity leave hopta 26 tashi agütsütsü

Delhi, Nov. 25 (Agencies): Sorkar mapa inyaker tetsütem nem maternity leave taoba mapang nungi talangba agütsütsü asoshi India sorkari sentong renemba osang ka angazükogo.
India sorkari tetsütem nem tang agüja aliba maternity leave hopta 12 nungi hopta 26 tashi küma talangba agütsütsü asoshi onük benoka lir.
Ano, tetsür tanga nem pei tanur bendaktsüba (surrogate) aser tangar tanur ka mesütsü renemba tetsütem nem maternity leave hopta 12 agütsütsü atema kasa onük nung densema lir.
India Labour Ministry-i trade union aser mapa inyakertem den arok senden ka Bodhbar nü mena tetsütem nem maternity leave mapang talangba agütsütsü onük benoka jembiba osanga jangjaogo.
Tanur asotsü hopta 6 jakdang nungi tenzüka sorkar mapa inyaker tetsü ka nem maternity leave hopta 12 agütsütsü asoshi Maternity Benefit Act, 1961 nung lateta lir.