India tsür AFC U-14 final tongogo

Dushanbe (Tajikistan)  April 30 (Agencies) : India tsür U-14 football asayar telok-i tang tasayadak AFC U-14 Regional Championship asayamong nung Honibarnü 4-3 agi Iran madak takok ngua final tongtetogo.
India aser Bangaladesh na Deobarnü final asayatsü.
India tsürtemi Nepal madak 9-0 agi kanga tetsüngda ita takok anguba sülen semi-final nung Iran den asayaba mapang asaya tenzüker minute toku buba nung Sunita Munda India atema mezüng goal yok. Iba goal yoker minute ana sülen Sunita-isa ano India telok atema tanabuba goal agüja 2-0 aküm.
Ajisüaka iba goal ana jagi teperi amai bilemba ajanga tera agi parnok iba asaya nung tamakok mangu. Iran tsürtemia minute 21 aser 24 buba nung goal kaka yoka 2-2 akümba sülen ano parnokisa minute 32 buba nung goal ka yoka parnok goal ka agi timba aküm.
Ajisüaka India tsürtemi temulung ajema mekümi asaya tesadang sülen kanga meranga asayatsü tenzük. Anungji tanabuba asaya tesadang minute 43 buba nung India tsür Susmita Munda-i goal ka yoka linük ana tsüngda goal 3-3 aküm.
Ano maneni minute 58 buba nung Susmita Mund-isa India atema goal ka yoka 4-3 aküm aser iba tesüsaba goal ajanga India final jenjang tongtet.