India tsür America nung alir Swetha Prabakaran US nung ‘Champions of Change’ sempet agütsütsü atema shimtetogo

Arishi küm 15 Indian tsür America nung alir Swetha Prabakaran nem ‘Champions of Change’ sempet agütsütsü tawatu White House-i shimogo. Lai la rongsen intokba mesasai internet ajanga kaketshirtem ajangzüktsü atema mapatong tajung inyakba ajanga la nem iba sempet agütsür. Swetha Prabakaran densema parnok 11 nem kasa sempet agütsütsü White House-i shimtetogo.
1998 küm Swetha’er tsüraburtemi Tirunelveli (Tamil Nadu) toktsür Indianapolis bushia oa ali aser la idakji soa intet. Swetha-i “Everybody Code Now’ ta asüba mapatong ya la rongsen tsütsü kecha tajangzük magi-i tentetba telok ka lir. Iba mapatong ajanga tarutsü lanurtem nem scientists, engineers aser entrepreneurs kümdaktsütsü shisalen tetuyuba agütsür.