India tsür football mezüng coach Sushil Bhattacharya süogo

Kolkata, July 18 (Agencies): Taoba mapang East Bengal nungi football asayar aser India tsür football team nung mezüng coach, Sushil Bhattacharya mozü ki ka nung Honibar nü süogo.
East Bengal club osang ajanga ashiba agi, arishi küm 90, Bhattacharya ya 1961 küm East Bengal team atema mezüng coach liasü aser iba mapang pai anir ‘Calcutta Football League’ aser IFA nung shilem agia takok ngua liasü.
Pa ya 1924 küm aso aser East Bengal team nung 1945 küm asayar ka ama aden. Pai iba club nung 1948 tashi asaya liasü. Pai 1956 tashi football asaya senzüba mapang Eastern Railway team nungisa asaya liasü.
Pa coach asüba mapang, tang asayar tajung PK ta ajasang Pradip Banerjee, Tulsidas Balaram, Bhaskar Ganguly, Sudhir Karmakar, Krishanu De, Subhash Bhowmick aser Gautam Sarkar nunger aniteta yutsü.
1975 küm Bhattacharya-i India nung tetsür football team tenzüktsü aser iba national team nung pa mezüng coach liasü.
Pa 2008 küm coach mapa nung anisüngzük.