India tsür goalkeeper Aditi English club nung aniokogo

London, Aug 17 (Agencies): English football club ‘West Ham United’ tetsür team nung India international goalkeeper Aditi Chauhan aniokogo.
West Ham United-i ashiba agi, goalkeeper Aditi ya tan tesüsabuba anioker rongnung ka lir. India tsür football asayar nungi English club nung mezüng aniokerji Aditi kümogo.
“India football asoshi ibai osang tajung! West Ham tetsür team nung India International goalkeeper Aditi Chauhan aniokogo,” ta Deobar nü West Ham tetsür team-i twitter ajanga lemsatepogo.
2014 Incheon Asian Games nung India tsür football team nungi Aditi-ia shielm agia liasü.
“Ni aniokba asoshi nenok ajak dang kanga pelar. Nenoki imlaba ama nia takok tashi junga asayatsü @westhamladies,” ta Aditi-i twitter ajanga lemsatepogo.
1936 küm Mohammed Salim Celtic FC aser 1999-2002 tashi Bhaichung Bhutia Bury FC nungi asayaba sülen British football club nung Aditi ya India nungi football asayar rongnung tasembuba lir.