India Tsür Hockey Team final tongogo

West Vancouver, April 9 (Agencies) : Tetsürtem Hockey World League (HWL) Round 2 asaya nung India tsür Rani Rampal aser Gurjit Kaur nati goal yokba ajanga India tsür Hockey team-i Belarus madak 4-0 agi takok nunga final asaya tongogo.Parnok West Vancouver nung Chile den final asayatsü.
Gurjit-i asaya tenzüker minute 13buba aser 58bubatem nung goal kaka yok aser Rani Rampal-ia minute 20buba aser minute 40bubatem nung goal yokba ajanga tanü iba takok angu.
March ita nunga India Belarus team ya khen kanga junga koka liasü.
Tanü asaya nung India tsürtemi tetenzük nungi kangsa junga asaya.
“Onoki iba takok anguba asoshi kanga pelar. Onoki tanü kanga tashi ita asaya aser defence kanga junga litet. Onoki ano penalty corner maongka agia goal yoktetba atema pelar. Onok final tonga Chile den asayatsü nükjidong liasü,” ta captain Rani-i ashi.