India tsür hockey team-i Belarus den series takok nguogo

Bhopal, March 05 (Agencies) : India tetsür hockey team-i Deobarnü Belarus madak 3-1 agi takok angubaji India captain, Rani Rampal ajanga lir. Iba asaya nung takok anguba ajanga India team-i tang tasayadak ‘five-Test series’ nung Belarus madak takok nguogo.
Belarus team nungi captain Ryta Batura-i asaya tenzüker minute 24buba nung mezüng goal ka yoker aliba mapang India nungi forward nung asayar Rampal-i minute 35 aser 39 bubatem nung atonga goal kaka yok.
India team atema tasembuba goal ji Deepika-i minute 42buba nung yok aser ibaji ajanga India-i iba takok tulu angu.
India aser Belarus na tsüngda asaya pungu asayatsü, ajisüaka India-i mezüng asaya asem prong akokba ajanga iba asayamung marok India tsürtemi angutsü. Asaya pezübubaji Hombarnü asayatsü.
Iba series ya taküm April ita Canada nung asayatsü aliba Hockey World League (HWL) Round 2 atema India team renemshiba asayamung la lir.