India tsür ka UAE nung alenseter sangzüa lia angu

Abu Dhabi, October 11 (Agencies): United Arab Emirates (UAE) nung aliba Al Nahda tesem nung India tsür ka apartment ka nung lisü agi alenseter sangzüa lia angu, ta media ajanga Deobar nü metetdaktsü.
Arishi küm 32 tain, India tsür Honibar nü iba ama yimya nung asüba dak sentakba nung criminal investigation department nung ketdangsertem aser forensic mongintemi bushisüngdang maparen tenzükogo, ta Khaleej Times ajanga metetdaktsü.
Police-i la ya la sasa aoseta asü südi ta bilemer. Parnoki ashiba agi la dak tawa ang cancer tashidak puteta liasü.
La tasümang bener aoba, Kuwait mozü ki nung ketdangsertemi ashiba agi, la sür ghonda tenet lir ang mozü kidangi bener aru.
Mozü ki atongba sülen la koma asür asü aji mettettsü atema tasümangji forensic laboratory bener ao.