India tsür matamabensar kati New Zealand Award angu

Wellington, December 11 (Agencies): India tsür, arishi küm 16 kati mapa balala nung New Zealand nunger matamabensartem tang nungi jenjang tajungba ngutetba atema akhümket award ka nguogo, ta osangbenertemi ashi.
La ya ita mabensa asoba tanur ka lir aser temang külen marakzüteter (hemiplegia).
Muskan Devta ya ‘published author’ aser o jembir tajung ka lir aser tan ita tetenzüklen Viaduct Events Centre, Auckland nung la nem ‘2015 Supreme ACC Attitude Award’ agütsü, ta Hokolbarnü stuff.co.nz ajanga metetdaktsü.
Muskan Devta-i, “Hemiplegia tashidak ya akümli piyong atema lir saka ni shisa mebulur,” ta award agizükba mapang ashi