India tsürtem Uber Cup semifinal-i iogo

Kunshan, May 19 (Agencies): India’er tetsür badminton asayartemi Thailand tsürtem madak points 3-1 agi quarterfinal asaya koka, tang tasayadak Uber Cup badminton asayamong semifinal asayatsü jenjang tanü, Brehostibar nü ajangzükogo.
Tanü takok anguba ajanga India tsürtemi tan asayamong nung bronze medal agizüktsüsa jenjang tajung angur lir.
India kübok New Delhi nung tesüsa asayaba Uber Cup asayamong nunga India tsürtemi Japan madak semifinal asaya mekokteti bronze medal agizüka liasü.
Tanü asaya nung India’er badminton asayar mongin, Saina Nehwal-i points 12-21, 19-21 ngua 2013 World Champion, Ratchanok Intanon madak 1 buba singles asaya mekokteti India points 0-1 agi tekübokba jenjang ngudaktsü.
Ajisüaka, tetsür World No.10, PV Sindhu-i points 21-18, 21-7 agi Busanan Ongbumrungphan minute 43 nung tsükdakja par telok anaprongla kasa jenjang kümdaktsü.
2010 Commonwealth Games champions, Jwala Gutta o Ashwini Ponnappa natia minute 39 nung points 21-19, 21-12 ngua Puttita Supajirakul o Sapsiree Taerattanachai na 1 buba doubles asaya nung akokba yong par India-i temaba jenjang angu.
Tesülen, arishi küm 19 tain Ruthvika Shivani Gadde-ia minute 41 nung points 21-18, 21-16 ngua, World No. 25 Nitchaon Jindapol madak takok anguba yong India teloki points 3-1 agi Thailand telok den temaba jenjang ngua, tanü asayaji akoktsü jenjang nguadok.
India tsürtemi par semifinal asaya China den asüng, Hokolbar nü asayatsü akok.