India tsürtem Women’s Asian Champions Trophy champions kümogo

Singapore, November 05 (Agencies): India’er tetsür hockey teloki goal 2-1 agi China tsür madak takok ngua, Women’s Asian Champions Trophy hockey asayamong takok marok tanü, Honibar nü ajangzükogo.
Tanü asaya tenzüker minute 13 buba nung Deep Grace Ekka-i goal 1 agüja, par India telok temaba jenjang nung ajungkettsü.
Ajisüaka, asaya tenzüker minute 44 buba nung China tsür, Zhong Mengling-i goal-ji meyipja, par telok anaprongla kasa jenjang kümdaktsü.
Tesülen, Deepika Thakur-i asaya tenzüker minute 60 buba nung 2 buba aser takokba goal agüja, par India nem takok ngudaktsü.
Tan agi 4 ben tashi ayonga asayaba Women’s Asian Champions Trophy asayamong nung India tsürtemi tan agi tanabenbuba final asayatsü jenjang ajangzüka, tan final asayaji akoker lir.
Tawa tembangba tebur Asian Champions Trophy asayamong takok marok India’er tebur hockey teloki akokba yong taküm ayongba Asian Champions Trophy takok marok anaprongla akoker linük India kümogo.