India tsürtemi 2016 Rio Olympics nung shilem agitsü

India’er tetsür lasang kashishir, Rimil Buriuly, Laxmi Rani Majhi, Deepki Kumari aser coach Purnima Mahato (Abelen nungi achijileni tarensena) nungeri 2016 Rio Olympics nung shilem agitsü jenjang tanü Mongolbar nü Copenhagen yimti nung ajangzükba sülen pelatepa nokdaka aliba noksa nung angur. (Copenhagen, July 28)

Copenhagen, July 28 (Agencies): India’er tetsür lasang kashishirtemi 2016 Rio Olympic Games nung shilem agitsü jenjang tanü Mongolbar nü ajangzükogo.
India tsürtem, Deepika Kumari, Laxmi Rai Majhi aser Rimil Buriuly nungeri Germany madak takok ngua tang tasayadak archery World Championships asayamong final-i aiba ajanga parnoki Olympics nung shilem agitsü jenjangji angu.
Par asemi points 1-3 ngua tekübokba jenjang nung semifinal asayatsü tenzük saka tatem nungbo points 5-3 ngua 7 buba jenjang nung alir Germany tsürtem tsükdaktsü.
Ajisüaka, India’er tebur lasang kashishirtem, Rahul Banerjee, Mangal Singh Champia aser Jayanta Talukdak nungeri points 4-2 ngua takokba nung asaya saka tatem nungbo parnoki points 25-29 ngua 2 buba jenjang nung alir Italy telok nem kokdaktsü.
Parnoki telok shilem nung tanü tamakok ajuru aka, par asemi temaba jenjang nung alir 32 rong nung densemtsü jenjang nguteta asüng shilem agira, Banerjee, Talukdar aser Champia nungeri individual shilem nung Rio Olympics nung shilem agitsü jenjang angutsü lenmang tanga lapoka lir.
Poorima Mahto-i coach asüba tetsür teloki mezüngbuba set nung points 46-59 ngua Germany tsür, Karina Winter, Elena Richter aser Lisa Unruh nunger nem mezüngbuba set kokdaktsü.
Ajisüaka, par 3-i tanabuba set nung points 5-5 ngua overall shilem nung points 3-1ngua temaba jenjang angu.
Yamaji asayar külen, Germany tsürtemi points 51-50 ngua 3 buba set akokba sülen overall shilem nung points 3-3 ngua telok anaprongla kasa jenjang kümdaktsü.
India tsürtemi temulungtetba tulu yur asayaba sülen points 53-52 ngua 4 buba set koka final-i aiba yong parnoki Rio Olympics nung shilem agitsü jenjang angu.
India tsürtemi Russia tsürtem den final asaya tan Deobar nü asayatsü.