India U-17 football team-i 0-8 agi Russia makok

St. Petersburg, January 09 (Agencies) : Valentin Granatkin Memorial Cup asayamung group asaya nung India U-17 football team-i 0-8 agi Russia madak tamakok angu.
Deobarnü asaya nung half-time atongtsü anasa Russia-i penalty ka memetsüpet asübo iba dang nung jagi tamajungba süla.
Iba asaya mezüngbuba tesadang tashi nung Russia nungi asayartemi goal pungu yoker liasü, ta All India Football Federation (AIFF) osang ajanga metetdaktsü.
Mezüng goal ji asaya tenzüker minute 2buba nung yok, tanabuba goal ji minute 10buba nung, tasembubaji minute 21buba nung, pezübubaji minute 25 nung aser goal pungububaji minute 31 nung ta sa yok.
Asaya tesadang tanabuba tenzüker minute 67buba nung 7-0 aküm aser goal 8bubaji asaya atemtsü mapang tatsüka lia yok.
India telok ya ano Mongubarnü Belarus den asayatsü.