India U-17 teloki Saint Leu den kasa asaya

Paris, May 17 (Agencies): Bodbarnü Paris nung Indian U-17 football teloki FC Saint Leu den asayadang goal 1-1 nung tembang.
India asayartem ya taküm India nung asayatsü aliba U-17 World Cup nung asayatsü aser tang parnok Europe-i exposure trip atema oa lir.
Tanü parnoki Paris League nung second division club den asayabaji exposure trip nung shilem ka liasü.
Tanü India aser FC Saint Leu tsüngda asayadang half time tashi nung telok katidang goal magütsüteti liasü.
Asaya tenzüker minute 28 buba nung India asayar Shubham-i goal yoktsü merang saka Saint Leu goalkeeper-i ball nokdanga liasü.
Minute 58 buba nung France asayar rongnung Remi-i mezüngbuba goal agütsü. Ajisüaka, minute 72 buba nung India nungi Komal-i goal kaji küpdok.
Iba sülen telok anaprongi goal talila magütsüteti asaya goal 1-1 nung tembang.