India U-18 Asia Cup Hockey final-i iogo

Dhaka, September 29 (Agencies): India teloki goal 3-1 agi Pakistan telok madak takok ngua, 4 buba tebur Under-18 (U-18) Asia Cup hockey asayamong final-i tanü, Brehostibar nü iogo.

Tanü asaya tenzüker minute 7 buba nung Shivam Anand-i 1 buba goal agütsüba sülen külem asayar, Dilpreet-ia minute 32 buba nung 2 buba goal agüja, par India telok temaba jenjang nung ajungkettsü.

Tesülen, asaya tenzüker minute 46 buba nung Nilam Sanjeep Xess-i penalty corner goal takok ngua agüja, par India telok nem takok ngudaktsü.

Amjad Ali Khan-ia asaya tenzüker minute 63 buba nung par Pakistan telok tenüng nung goal 1 agütsü saka par asayartemi tanüngba asaya mapang nung goal ka danga magütsütetba yong par teloki tamakok ajurua liasü.

India asayartemi Bangladesh telok den final asüng, Deobar nü asayatsü.