India U-19 Cricket World Cup final-i iogo

Mirpur, February 09 (Agencies): Taoba mapang asemben tashi champions akümtsü jenjang angur India teloki Sri Lanka telok madak takok ngua tang tasayadak ICC Under-19 Cricket World Cup final-i tanü, Mongolbar nü iogo.
India teloki tanü runs 97 agi Sri Lanka telok semifinal asaya nung tsükdaktsüba sülen tan agi pungobenbuba tashi final asayatsü jenjang angu.
Anmolpreet Singh aser Sarfaraz Khan nati runs 72 aser 59 agiba densema, par India teloki runs 267 agiba sülen Sri Lanka asayar ajunga overs 42.4 nung asayadak nungi tugudakja runs 170 dang agüja tanü asayaji akok.
India teloki West Indies aser Bangladesh na tsüngda asayaba tanabuba semifinal asaya nung takok angur telok den tan February ita 14 nü final asayatsü.