India U-19 team-i tri-series final nung Bangladesh kokogo

Kolkata, November 29 (Agencies): Jadavpur University moapu nung tan tri-series final Deobarnü asayadang India Under-19 cricket team-i bowling kanga junga asüba den Sarfaraz Khan-i half-century ka kanga kara yangluba ajanga Bangladesh Under-19 madak wicket tenet agi takok angu.
India team-i Bangladesh U-19 team run 116 ang yanglur lia ajak out südaktsü. Iba sülen India nunger batting asüdang nisung 3 out sür runs 42 dang yangluteta kanga shisa bulua liasü. Ajisüaka Sarfaraz-i ball 27 nung runs 59 yangluba ajanga India nunger takok angu.
Bangalore Royal Challengers team nungi asayasang, Sarfaraz ya captain Ricky Bhui run 20 yanglua out mesüi nungita ata. Iba takok ya ajanga sangküm January ita Bangaladesh nung asayatsü aliba U-19 World Cup atema India team tasü aita akümtsü.
India nunger bowling asüba mapang spinner Mayank Dagar-i run 32 agüja wicket asem agia liasü.