India Under-19 World Cup quarterfinal tongogo

Mirpur, January 30 (Agencies): India teloki runs 120 agi New Zealand telok madak takok ngua tang tasayadak ICC Under -19 World Cup quarterfinal asayatsü jenjang tanü, Honibar nü nguogo.
Tanü asaya nung Sarfaraz Khan, Rishabh Pant aser Armaan Jaffer nungeri runs 74, 57 aser 46 yangluba densema, par India teloki overs 50 nung ajak agi runs 258 yanglua liasü.
Tesülen, New Zealand teloki India madak takok angutsü nükjidong yur batting asütsü tenzük saka par asayar, Christian Leopard, Avesh Khan aser Mahipal Lomror nungeri runs 40, 4 aser 5 yangluba densema, par telok asayar ajunga overs 31.3 nung asayadak nungi temaleni tugua ajak agi runs 138 dang yanglutetba yong par teloki tanü tamakok ajuru.
Tan asaya nung Avesh Khan-i runs 32 agüja New Zealand asayar wicket 4 tashi agia India telok asoshi kanga junga asaya.
India teloki Nepal den quarterfinal nung ajuruteptsü.
Nepal telokia tanü wicket 8 agi Ireland telok madak takok ngua tan mezüngsüa Under-19 asayamong quarterfinal nung shilem agitsü jenjang ngua liasü.
Tanü asaya nung leg-spinner, Sandeep Lamichhane-i wicket 5 tashi agia, tan asayamong nung hat-trick yanglur asayar mezüngbuba aküm.
India aser Nepla den külemi, Pakistan aser Sri Lanka telok natia quarterfinal-i aiba osang jangjaogo.