India-US tsüngda security akangshitsü

New Delhi, March 5 (Agencies) : Donald Trump’er sorkar kübok India aser US tsüngda security tesentaktep tali akangshitsü aser ibaji linük ana ‘exchange programmes’ maneni agitsü telemtetba agiba ajanga asütsü.
India aser United States tsüngda nisung apuba mapang teinyaktsü, kiralongra mapa inyakba tesem bushisüngdangba aser cybercrime indang training sentongtem agitsü aser iba ya Anti-Terrorism Assistance (ATA) tenangzüktep kübok agitsü.
US training institutes nung India police ketdangsertem training agitsü aser iba mapang nisung apuba mapang inyakba, kiralongra mapa inyakba tesem bushisüngdangba den sentong tasen ana – cybercrime aser maritime security indang tesayubatem angazüktsü.
India aser US tsüngda security tsütsü tesentaktep akangshitsü aser iba nung training agiba sentongtem dena lir. US-i taküm nungi India police ketdangser asoshi course tasen na agitsü, ta Home Ministry ketdangser kati metetdaktsü.
ATA tenangzüktep kübok India police ketdangsertemi ita trok atema training agitsü akok.
US-i kiralongraba aser ISIS amala teloktem anema raraba nung India-i tongti süa yariteper. Iba onük asoshi ATA course agibaji kanga teputep lir, ta Home Ministry ketdangserisa shisem.
Kümshia Central police organisations aser state police force nungi police ketdangser 120-150 shi ka ATA kübok US nung training agitsü atema aoer. Taküm nungi course tasen ana tenzükba ajanga ketdangser 200 shi ka training agii aotsü akok.