India-Vietnam tsüngda tezüngzüktep 12 agiogo

Hanoi (Vietnam), September 03 (Agencies): Honibarnü India aser Vietnam linük na tsüngda defence, IT, space, double taxation dak sentakba nung tezüngzüktep 12 agiogo.
Ato kilonser, Narendra Modi aser Vietnam Ato kilonser, Nguyen Xuan Phuc nati kulisüa repranga atadang linük ana nungi ketdangsertemi iba tezüngzüktep nung sign asü.
Iba dak sentakba nung External Affairs Ministry otongdar, Vikas Swarup-i twitter ajanga, “Telongjem atema tezüngzüktep 12 agiogo!  Stragetic Partnership atema India & Vietnam-i tezüngzüktep 12 agiogo,” ta metetdaktsü.
Vietnam linüki air aser defense production nung jangraba lemsatep, aser India nunger L&T-i Vietnam nunger Coast Guards atema offshore high speed patrol boats yanglutsütsü. Iba dak alia UN peacekeeping nung amalitepa inyaktsü atema-a tezüngzüktep ka agiogo.
India Navy aser Vietnam Navy-i white shipping osangtsüsang lemsateptsü, saru ana malitsü, anema alibaren, IT aser cyber security nung amalitepa inyaktsü atema tezüngzüktep agi aser India nung rong yanglutsü atema contract tezüngzüktep ka agi.
Iba dak alia Vietnamese Academy of Social Science aser Indian Council of World Affairs na tsüngda aser BIS aser STAMEQ tsüngda tezüngzüktep agiba den külemi 2017 küm India aser Vietnam na tsüngda ‘The Year of Friendship’ amungtsü atema inyakyim asoshi tezüngzüktep agi.
India aser Vietnam nati United Nations reform asütsü aser UN Security Council ulushitsü nüngdak ta bangjemogo, ta linük anati külem sangdong ka ajanga metetdaktsü.
India Ato kilonser aser Vietnam Ato kilonser na senden amenba sülen Modi-i, Telecommunications University, Nha Trang nung Army Software Park ka yanglutsütsü atema India-i US sen million 5 aputsütsü ta sangdong.
“Ato kilonser anatisa 2020-21 küm Vietnam aser 2021-22 küm India UNGC non permanent züngsem atema kati ka nungitttsü asoshi bangjemogo,” ta külem sangdong ajanga ashi.
Linük anapronglai Asia aser iba dak alia alima nung yimjung, terenlok aser azükaru atema külemi longjemer inyaktsü bangjem.