India ya tashitait linüktem nung dena lir ta alimai metetogo: Rajnath

Lucknow, November 11 (Agencies): Honibarnü Union Home Minister, Rajnath Singh-i, joko India ya tashi maliba linük ka masü saka alima nung tashitait linüktem rongnung dena lir ta alimai metetogo, ta ashi.
Tanü Lucknow nung osangkaket kati ayongzükba sentong nung jembidang pai, “International jenjang nung India ya tongtibang kümogo. Tangbo India ya rongsenkettsüng tulutiba linük kümogo ta alimai metetogo. Tanübo India ya tashimait linük ka masü saka tashi tulu aliba linüktem rongnung dena lir,” ta ashi.
Tasüngdangba ka langzüdang Rajnath-i, “Joko tesem aika nung tangbo taitsüba ishiba saka tenüngsang teimba kümogo. Onoki ayuba nükjidong ajak onoki tongtetogo,” ta ashi.