India’er melangteper 8-i Olympics nung shilem agitsü temeten angu

New Delhi, May 12 (Agencies): Ravinder Khatri aser Babita Kumari na densema, India’er toktepa melangteper 8 tashi Brazil kübok Rio de Janeiro nung taküm August ita nungi tenzüka asayatsü ayongba Rio Olympics nung India tenüng nung shilem agitsü jenjang tanü, Brehostibar nü nguogo.
Tang tagidak Asian Olympic qualifier asayamong nung parnok den temaba jenjang ngua alir melangtepertem ozüng alema mozü mora achiba tetendangbaren nung aibelenba kuli bushitetba ajanga India’er melangtepertemi tan jenjang tajungji angur lir.
Kyrgystan nunger Kenzheev Zhanarbek-i ozüng alema mozü mora achiba bushiteta pa nem agütsüba temeten agienba sülen Khatri-i temang touzük seret 85 taret Greco-Roman tetoktepba nung shilem agitsü jenjang angu.
Ano, Mongolia tsür, Sumiya Erdenechimeg-ia aibelena Olympics nung shilem magitettsüsa akümba ajanga Babita-i seret 53 taret freestyle tetoktepba nung shilem agitsü jenjang ajangzük.
Taoba hopta agiba 2 buba World Olympics Qualifying asayamong nunga Vinesh Phogat aser Sakshi Malik nati temang touzük seret 48 aser 58 taret shilem nung India tenüng nung Olympics nung shilem agitsü jenjang ngua liasü.
India asayartemi tan mezüngsüa Olympics melangteptsü tetoktepba asemprongla – tebur freestyle, tetsür wrestling aser Greco-Roman nung toktepa shilem agitsü renema lir.

You must be logged in to post a comment Login