India’er tebur hockey teloki goal 3-1 agi N Zealand A akok

Auckland, October 02 (Agencies): India’er tebur hockey asayartem, Akashdeep Singh, Ramandeep Singh aser Nikkin Thimmiah nunger shiai goal ka ka agütsüba ajanga par teloki New Zealand A telok madak goal 3-1 agi tanü Hokolbar nü takok nguogo.
Tanü asaya tenzüker minute 3 buba nung Ramandeep-i yanglutsüba pass agizüka, Akashdeep-i goal 1 agütsüba ajanga India teloki temaba jenjang angu.
Ano, asaya tenzüker minute 20 aser 26 buba na nung Ramandeep aser Nikkin nati goal ka ka agütsüba yong par India teloki goal 3-0 agi N Zealand A telok den jenjang tajungba aküm.
Tesülen, asaya tenzüker minute 36 buba nung N Zealand telokia goal 1 agüja par jenjang tajungba kümdaktsü.
Ajisüaka, tanüngba asaya mapang nung par teloki goal ka danga magütsüteti asaya tembangba yong par teloki tanü tamakok ajurua liasü.
India-i maneni N Zealand A telok den asüng, Honibar nüa asayatsü lemzüka lir.
Ano, N Zealand senior telok dena tan October 6 nü asayatsü asoshi India-i lemzükogo.