Ranchi, February 17 (Agencies): India’er tetsür cricket teloki wicket 6 agi Sri Lanka telok madak tang tasayadak One-Day International (ODI) asaya 2 buba tanü, Bodbar nü kokogo.
Tan takok anguba ya India tsürtemi asaya 3 densemba ODI series nung asaya tanabuba akoker küma tan asayaba ODI series akoktsüsa points 2-0 angur lir.
Dilani Manodara-i ball 43 nung runs 51 yangluba aser Prasadani Weerakkody-i ball 80 nung runs 37 yangluba densema, par Sri Lanka teloki overs 50 nung wicket 9 laoa ajak agi runs 178 yanglu.
Tesülen, skipper Mithali Raj, Smriti Mandhana aser Harmanpreet Kaur nungeri runs 53, 46 aser 41 yangluba densema, par India teloki overs 43.1 nung runs 179 yanglua Sri Lanka teloki yangluba runs ajangteta tanü asayaji kokadok.
Medium pace bowler, arishi küm 18 tain Deepti Sharma-ia tanü asaya nung runs 23 agüja ajak agi wicket 4 tashi agia lar India telok asoshi kanga junga shilem agia liasü.
You must be logged in to post a comment Login