India’er tetsür hockey teloki tamakok ajuru

Darwin, May 31 (Agencies): India’er tetsür hockey tamakok nung linük 4 densemba hockey asayamong nung tanü, Mongolbar nü shilem agiogo.
New Zealand tsürtemi goal 4-1 agi India tsür madak tetenzükba asaya nung tanü takok ngua liasü.
Tan asaya tenzüker minute 6 buba nung N Zealand tsürtemi penalty corner azüktsü maongka ngua India den temaba jenjang nung asayatsü tenzük saka India goalkeeper, Savita-i coner ball-ji nokdanga goal magütsüdaktsü.
Savita-i minute 11 buba nunga N Zealand tsür, Pippa Hayward-i zükoktsüba ball nokdanga goal magütsüdaktsüi kanga junga asaya liasü.
Ajisüaka, Hayward-i asaya tenzüker minute 18 buba nung goal 1 agüja par N Zealand telok temaba jenjang kümdaktsü.
India tsürtemia kanga meranga asaya saka parnoki par telok nem agütsüba goal memeyiptsütet.
Tesülne, 4 buba aser tatembangba quarter asaya nung Hayward-isa minute 47 buba nung goal 1 agüja par N Zealand telok goal 2-0 agi temaba jenjang nung maneni ajungkettsü.
Hayward den yarisema, Anita McLaren aser Petrea Webster natia goal kaka agütsüba yong par teloki tanü asayaji akoktsüsa jenjang tajung nguadok.
Anuradha Devi Thokchom-ia tanü asaya tatembanglen par India telok asoshi goal 1 agütsü saka par teloki tanü asaya nung tamakok angutsüa jenjang tamajung ajurua liasü.