Indian Army-i Rs 3,547 cr alang prangpongtem alitsü

New Delhi, Aenjeti (January) 16 (Agencies): Sangtennü (Mongulbar) Defence Acquisition Council (DAC)-i assault rifles 72,400 aser carbines 93,895 alitsü atema temelaba agütsüogo.
Arrtsütem nung mapa lemzükja aliba sepaitem nüngdak peritsütsü atema sorkari sen crore 3,547 endoka prangpongtemji alizüktsü.
DAC nung mendenji Union Defence Minister Nirmala Sitharaman lir aser tanü parnok senden ka amendang ‘Make-II’ inyakyim yanglushi.
Iba inyakyim kübok Indian industry ajanga yangluba defence equipment tajungba kümdaktsütsü aser yanglushia lateta lir.
‘Make-II’ project nung sorkari senotsü kecha magütsür aser ibaji atema DAC-i telatetba kar agiena sorkar tazüokba salaogo.
Telatetbatem yanglushiba ajanga industry-i benokba tebilembatem MoD-i agizüktsü aser Indian Armed Forces atema company temi osettem yanglutsü temelaba angutsü.