Indian Army nung adentsü jangradaktsütsü sentong ka agi

Dimapur, Chiteni/July 03 (TYO): Ketdangsür aser sepai ka ama Indian Army nung jangrabanga dendaktsütsü nükjidong nung HQ 3 Corps ajanga Tetso College, Dimapur nung Chiteni/July 03, 2018 nü sentong ka agi. Iba sentong nung o jembir ya Col MK Singh, Director Recruiting, Army Recruiting Office Rangapahar liasü.
Pai iba sentong nung jembidang Indian Army nung adenba ajanga tajangzük angubatem rasaa ashi aser iba wadang nung nokdaktsü asoshi written, physical aser medical tatidangtem nung temsüa ajangtettsü asoshi lenmangtem lemsatep.
Iba sentong nung tetsür, tebur aser tesayur 170 dena liasü. Linük tenzüktsü asoshi lanurtem nem mapa tajung indang shisatsü agütsüba asoshi pelar, ta Tetso college principal, Dr. PS Lorin-i ashi.