Indian army recruitment outreach sentong agi

Dimapur, Chiteni/July 6 (TYO):  Indian Army Recruitment Office (ARO), Rangapahar-i July 5 nü Patkai Christian College, Chumukedima nung Combined Annual Training Camp (CATC)-59 akaba mapang Officers aser Agniveer densema Indian Army kübok category balala nung züngoksemtsü atema jenjang tajungba kümdaktsütsü nükjidong nung mera aoba sentong ka ayongzüka agiogo.

Iba sentong ya 1 Nagaland Air Squadron National Cadet Corps (NCC), Dimapur den longjemer agia liasü. Iba sentong nung NCC cadet 346-i shilem agia liasü.

Sentong agiba mapang Agnipath Scheme, login procedures, registration atema login ID koda yanglutsü, 2025-26 atema recruitment notification, tajangzüktem, küm pezü sülen maongkatem indang metetdaktsüba den mangatetba ken o tem jangjashija liasü.

Officer entry scheme tem nung National Defence Academy (NDA), Indian Military Academy (IMA), Officers Training Academy (OTA), Military Nursing Services (MNS) aser Territorial Army (TA) den Service Selection Board (SSB) interviews tem densema lir aser item indang metetdakja liasü.

Army nung adentsü jangraratem dang scheme ajak atema eligibility criteria, application inyakyim aser  shimshiba inyakyimtem indang metetdaktsü aser talisa 2025-2026 atema  recruitment notification indang metetdakja liasü.

Parnok nemsa Army organisation aser Arms aser Services tapu balala indang metetdakja liasü. Maneni handouts, posters, pamphlets aser tanga publicity osettem lemtsüogo.

Director Recruiting-i, Wing Commander M Herojit Singh, CO, 1 Nagaland Air Sqn NCC, Dimapur den sensak asem aser 2025-26 küm atema recruitment notification melenshiba densema Indian Army nung entry balala indang osang tejangja agüja liasü.