Indian Chieftain Dark Horse aser Indian Springfield, Bengaluru nung lapokogo

Bengaluru, January 22 (Agencies): India nung America nunger mezüng motorcycle company ajanga Indian Chief indang range nung- Indian Springfield aser Indian Chieftain Dark Horse, Bengaluru nung sayaogo.
Motorcycle ana ya Eicher Polaris Pvt Ltd nung CEO & Director, Pankaj Dubey, Polaris Pvt Ltd nung Country Head & Managing Director aser Exquisite Moto LLP nung Tir aser CEO, Anil Shankar nungeri lapoktsü.
Indian Springfield: 111 Thunder Stroke engine aketba Springfield ajanga 2600 rpm torque nung 138.9 Nm tashi agütsür. Iba motorcycle nung oset touzük seret 241.7 bener lenmang talang nung jajatettsü. Iba motorcycle nung totzü litre 64.3 inokteter.
Indian Chieftain Dark Horse: 111 Thunder Stroke engine aketba Indian Chieftain Dark Horse nung ya nisung ka kisüng amentsü asoshi menden inoka lir.
ABS, electronic cruise control, ken angatsü asoshi integrated premium audio system aser remote ajanga atemloktettsüsa oset inoka lir.