Indian coast guard-i Pakistan nunger rong ka nung nisung teku apu

Porbandar (Gujarat), October 02 (Agencies): Deobar anepdang Gujarat tzüyimkümlen Indian Coast Guard sepaitemi Pakistan nunger rong ka den yangji mena alir parnok nisung teku puogo.
Indian Coast Guard rong ‘Samudra Pavak’ nung ketdangsertemi Pakistan nunger rongji Gujarat, Porbandar  tzüyimkümlen apu.
Tanep 10:15 ako meta Pakistan nunger rongji India nunger tzü adena aitli Coast Guard ketdangsertemi rong den parnok tekuprongla apu.
Iba tatalokba sülen Porbandar nung bushisüngdangba maparen  tenzükogo aser tang pua aliba Pakistan nunger tem dang asüngdangyatsü.
Tawa Indian army temi Line of Control (LoC) nung  kiralongrartem tesep tenet amakba sülen security agency temi security tensa kanga zünga mitdar.