Indian Flag Doormat sülen Amazon-i Mahatma Gandhi Chappal ayoker

January 15, 2017 (Agencies): Amazon-i parnok indang Canadian website nung India flag noksa ajenloker ayokba ajanga India nunger temulung yirutsüba atema sasa bilemba metetdaktsüba sülen anogo ishika lir Amazon.com nung Mahatma Gandhi tejak noksa sports flip flops (beach sandals) nung ajenoker ayok tenzükogo.
Gandhi flip flops ya CafePress-i Amazon.com nung US dollar $16.99 agi ayoker. Iba ya India sen agi melenra 1,190 shi asütsü.
“Graphic flip flop sandal tem ya professionally print asüba. Iba sandal ya tasemer dak azü azüa angutsü, aser iba ajanga tasemer nem tepela bener arutsütsü,” ta sandal yanglurtemi ashi.
January 11 nü External Affairs Minister Sushma Swaraj-i e-commerce company Amazon dang India flag aketba doormat magienra company ketdangsertem indang visa agientsü ta ashi. Amazon-i iba osang angashili India flag aketba doormat-ji agien.
“India nunger temzüng ozüng aser sobaliba nung anidaktsü Amazon India bendanga agutsür lir. Iba oset ya Canada nung ayok, koba ajanga India nunger temulung yirutsü, iba asoshi onoki sasa bilemer. India nunger temulung yirutsütsü asoshi inyakba mapa ka masü,” ta company-i metetdaktsü.