‘Indian Idol Junior’ takok angur Ananya-i PM Modi ajuru

September 16, 2015: 2 buba ‘Indian Idol Junior’ takok angur Bhubaneshwar yimti nungi Ananya Sritam Nanda-i Mongolbar nü Ato kilonser Narendra Modi ajuruogo, ta osang ka ajanga ashi.

Iba dak sentakba nung lai, “Ni Narendra Modi ajuruogo ta ni mamangteter. Pai pela agizükba atema ni pa dang kanga pelar. Pa sentong aika nung kanga mazüngi liaka pa kü den minute 20-30 intok. Pai kütsü, kübu aser kü aianu den-a jembiogo. Ni pelabaji ni rasa-a meshiteter,” ta ashi.

Ananya tetsü ya kibong acha ayanger ka aser tebu sorkar industrial department ka nung Director inyaker, aser tan ita tetenzüklen lai Sony Entertainment Television show ‘Indian Idol Junior’ takok ngua liasü.

“PM@narendramodi-i Indian Idol Junior (Season 2) takok angur Ananya Sritam Nanda ajuruogo,” ta Prime Minister’s Office official Twitter handle ajanga ashi.

Iba den külemi Ananya o Modi na tangokba noksa-a ka lemsatepogo. Noksa nung lai kurti sentsü tesangwa ka sema lir aser Modi kurta pajama temesüng ka sema lir.

Ananya-isa, “Ni ajurutepdaktsütsü atema inyaksang (union minister) Dharmendra Pradhan dang ni pelar,” ta shisem.