Indian Navy-i Maphou dam nung araksetertem agitet

Imphal, May 3 (Agencies): Manipur kübok Ukhrul district nung aliba Eco Park Lake nung rong meküpokba lendong nung tasür mangtem Indian Navy nung divers-i agitetogo.
“Maphao Dam nung samar nisung asemprongla ngutetogo. Parnok tanüla anisüngzükangma aser tasür kibong den mangyim lemsateper” ta Manipur Chief Minister N. Biren Singh-i ashi.
Züngsem 14 agi akümba Indian Navy team ka Mongulbarnü Manipur-i aru aser tzü nung samar asem bushiba mapa nung yaritep.
Deobarnü Maphou dam anasa Eco Park Lake nung tourist 12 rong ka nung mener senzüdang, rongji tzü nung meküpok.
Iba lendong nung kibong ka nungi dang Rani, Rajiv aser Romen nungertem samaba dak alaka tanüngba nisung ajak kümzük.
Mezüngbo NDRF, SDRF aser Manipur state fire service-i mang bushitsü tenzük.
Chief Minister-i mepishiba ajanga Visakhapatnam nungi Navy team ka Manipur-i arur yaritep.