Indian Railways temzüng tasenba July 1 nü nungi amshitsü

New Delhi, May 23 (Agencies) : July 1, 2016 nü nungi tenzüka Indian Railways temzüng ozüngtem nung temelenshi aika angutsü aser ibaji ajanga passenger tem kanga ajangzüktsü. Iba temzüng tasenba nung Tatkal ticket tem melenteptettsü inyakyim dena lir.
July 1, 2016 nü nungi amshitsü aliba Indian Railways temzüng ozüngtem yamai alitsü:
– July 1, 2016 nü nungibo tatkal ticket melenteper nem sen noklang nung shilem 50 meyiptsütsü.
– Tatkal ticket alitsü atema mapanga melenshitsü. July 1, 2016 nungi tatkal ajanga AC coach atema ticket ayokba mapang anepdang 10:00 ako nungi 11:00 ako tashi aser sleeper coach atema anepdang 11:00 ako nungi anüngdang 12:00 ako tashi alitsü.
– July 1, 2016 nungibo waiting list ticket magütsütsü. Confirm ticket tem den RAC passenger tem indang ticket dang ayoktsü. Waiting list ticket tem khenyongi mamshitsü.
– July 1, 2016 nungi Rajdhani aser Shatabdi express tem nung coach talila inoktsütsü.
– Rajdhani aser Shatabdi train tem nung July 1, 2016 nungi paperless tickets-a amshitsü. Item train nung mobile ticket tema agitsü.
– Train ticket jelia alitsü atema oshi aika nung tenzüktsü.
– July 1, 2016 nungi Premium trains tem anentsü.
– Suvidha train ticket tem meyiptsür passenger tem nem ticket jenjang tesadang indang sen meyipa agütsütsü.