Indian Red Cross Society Chumou-kedima District Branch amenokogo

Dimapur, Aami/June 29 (TYO): Indian Red Cross Society Chumoukedima District Branch officially amenokogo aser Society indang office DC, Chumoukedima office Complex nung June 27 nü Chairman, Nagaland State Branch, IRCS Abeni TCK-i semzüktsüogo. Iba sentong nung Deputy Comissioner Chumoukedima aser General Secretary, Nagaland State Branch natia shilem agia liasü.

Office semzükba sentong ya Chumoukedima District Branch IRCS mendenbuba Vichutuolie Mere lenisüba nung agi, Managing Committee züngsem Keviyato Whiso sarasadem aser Treasurer Chumoukedima District Branch IRCS Vekuto Swu-i lokti pela agizüba o jembia liasü.

Sentong nungsa DC aser Chumoukedima District Branch IRCS tir Abhinav Shivam IAS-i o tatsüka jembi, kong pai lokti nung Red Cross koda tongtibang aser iba lokti tentet indang shilem lemsatepa liasü.

Maneni sentong nung Youth Red Cross, Patkai Christian College-i ken tajung ka aten aser General Secretary, Nagaland Satate Branch IRCS Akhale V Khamo-i okilao jembia liasü. Lai Nagaland kübok Districts balala nung Red Cross inyakyimtem indang lemsatep aser Red Cross atema senotsü teyari ya tenla ajanga dang agütsür ta ashi.

Nagaland State Branch IRCS mendenbula Abeni TCK Lotha-i o jembiba mapang Chumoukedima District Branch tenzükba atema kanga pelaba lemsatepba den District Branch Office atema takdang tesadem ka agütsüba asoshi DC Chumoukedima dang kanga pelaba lemsatep. Laisa, tanü alima nung humanitarian maparen koda tongtibang iba indang lemsatepba den Red Cross Society inyakyim idang metetdakja liasü.

Iba sentong ya Honorary Secretary Chumoukedima Branch IRCS-i tepela o jembir tembanga liasü.

Chumoukedima District Branch team tasenba yamai alitsü:

1. President : Deputy Commissioner Chumoukedima
2. Vice-Presidenr: Chief Medical Officer Chumoukedima
3. Chairman: Mr. Vichutuolie Mere
4. Vice- Chairman: Mr. Kumar Naben
5. Honorary Secretary: Mr. Mhiesitsolie Khate
6. Treasurer: Mr. Vekuto Swu

Managing Committee Members tem :

1. Mr. Keviyato Whiso
2. Mr. Bendangchuba Ao
3. Mr. Sedevikho Tsukru
4. Mr. Kuzuto Yepthomi
5. Mr. Niuto Chishi
6. Mr. Khrietuo Yhoshu
7. Mr. Talimeren Imsong
8. Dr. Premkumar Singh
9. Mr. Kivikhe Zhimomi

Kasa mapang nung Nagaland State Branch-ia, branch tasenba nem relief Material aika agüja liasü.