Indian Wells: Federer, Chung quarter-final aser Halep-i semi-final tongtetogo

Metsüremi 15, 2018 (Agencies): Rasemnü (Wednesday) ATP Indian Wells Masters tebur asaya nung world no.1 nung alisang Switzerland nunger Roger Federer-i France nunger Jeremy Chardy madak 7-5, 6-4 takok ngua quarter-final tongtetogo.
Arishi küm 36 tain Federer shibai Aenjeti (January) nung Australia Open koka Grand Slam 20ben buba kokteta lir, pai 2018 küm asaya kanga junga tenzükogo.
Federer-i Tsüklai (February) Rotterdam Open asayamung nunga takok ngua lir, aser Indian Wells asayamung trok buba akoktsü timla nung pai meranga asayadar.
Iba asayamung quarter final nung Federer-i South Korea nunger Chung Hyeon den asayatsü. Rasemnü (Wednesday) asaya ka nung Chung-i seed 30buba nung alisang Uruguay nunger Pablo Cuevas madak 6-1, 6-3 agi takok ngua lir. Iba küm Federer aser arishi küm 21 tain Chung na tang agi tanabenbuba asayatsüba lir.
2017 küm Federer-i Australian Open, Halle, Wimbledon, Miami, Shanghai, Basel aser Indian Wells, ta asayamung tashi kokogo.
Iba küm Federer-i arishi küm 21 tain Chung den tanaben asayatsü lir.
Federer will face the 21-year-old Chung for the second time this year.
Tebur kija asaya tanga ka nung Croatia nunger Borna Coric-i 6-2, 6-7 (6/8), 6-4 agi America Taylor Fritz madak takok ngua quarter final tongtetogo aser pa South Africa nunger Kevin Anderson den asayatsü. Anderson-i Spain nunger Pablo Carreno Busta 4-6, 6-3, 7-6 (8/6) agi koka liasü.
Kasa asayamung tetsür kjia asaya nung Rasemnü (Wednesday) world no.1 Romania tsür Simona Halep-i, Croatia tsür Petra Martic madak 6-4, 6-7 (5/7), 6-3 agi takok ngua semi-final tongtetogo.
Halep-i semi-final nung Japan tsür Naomi Osaka den asayatsü. Osaka-i quarter final nung seed pungobuba nung alila Czech Republic tsür Karolina Pliskova 6-2, 6-3 agi kokogo.