Indian Wells: Federico Delbonis-i Murray tsükdaktsüogo

Indian Wells, March 15 (Agencies): Argentina nunger Federico Delbonis-i takok ngua World No. 2, Andy Murray tang tasayadak Indian Wells asayamong nung yashi, Hombar nü tsükdaktsüogo.
Delbonis-i yashi points 6-4, 4-6, 7-6 (7/3) ngua Britain nunger Murray tebur singles 3 buba round nung tsükdaktsü.
Taküm January ita asayaba Australian Open asayamong nung tebur World No. 1, Serbia nunger Novak Djokovic nem kokdakja shilem agiba sülen Murray-i tan mezüngsüa ATP Tour asayamong nung shilem agir liasü.
Delbonis-i Murray madak takok anguba sülen France nunger Gael Monfils mesüra Spain nunger Albert Ramos-Vinolas na rong nung takok angur den 4 buba round nung ajuruteptsü.
Australia nunger Bernard Tomic-i asaya tembanga masayatettsüsa akümba ajanga Canada nuger Milos Raonic-ia par 3 buba round asaya akokba osang jangjaogo.
Tebur World No. 4, Raonic-i aces 9 tashi yanglua 1 buba set points 6-2 agi akokba sülen 2 buba set nunga points 3-0 ngua temaba jenjang nung asayatsü tenzükdang Tomic teka yirua asaya tembanga masayatettsüsa aküm.
Tetsür singles shilem nunga Czech Republic tsür, Karolina Pliskova-i points 6-2, 6-0 ngua tesüiba World No. 1, Ana Ivanovic madak takok angu.
Slovakia tsür, Magdalena Rybarikova-i points 6-4, 3-6, 6-3 ngua Switzerland tsür, Belinda Bencic tsükdaktsüba osang jangjaogo.