Indian Wells Masters atema Yuki qualify süogo

Metsüremi 8, 2018 (Agencies): Indian Wells ATP Masters asayamung atema qualifying match asaya nung Yuki Bhambri-i Ramkumar Ramanathan madak takok ngutetogo. Yuki Bhambri atema Küm tuku buba nung tang mezüngbuba iba 1000 series asayamung shilem agitsü.
Indian Wells qualifier asaya nung seed tukububa, Yuki-i tanabuba aser final qualifying round asaya nung 6-4, 6-2 agi takok ngur külen pai iba season mezüngbuba Master series asayamung tongtetta lir. Yuki-i aser külem India nunger asayar arishi küm 22 tain Ramkumar na pezüben asayaba nung Yuki-i 3 ben aser Kumar-i khen ta koka lir.
Arishi kum 25 tain asayar Yuki-i tatembangsa 2009 kum Miami masters asayamung nung asayaa liasu.
Indian Wells ATP Masters asayamung ‘main draw’ mezüngbuba round nung, külem qualify asür aser jenjang 101 nung alisang France nunger Nicolas Mahut den Yuki asayatsü. Iba mezüng round asaya nung Yuki-i takok ngura, pa world no.12 nung alisang France nunger Lucas Pouille den asayatsü.