Indian Wells: Mirza o Hingis nati takok angu

Indian Wells, March 12 (Agencies): India tsür, Sania Mirza aser Switzerland tsür, Martina Hingis nati mezüngbuba round asaya nung takok ngua Indian Wells tennis asayamong nung shilem agi tenzükogo.
Mirza o Hingis nati minute 68 nung points 6-3, 7-5 agi Australia tsür, Casey Dellacqua o Samantha Stosur na tsükdaktsüba sülen tetsür doubles 2 buba round asayatsü jenjang angu.
Tan asayamong nung temaba jenjang abener, Mirza o Hingis nati America tsür, Vania King aser Russia tsür, Alla Kudryavtseva na den 2 buba round nung ajuruteptsü.
King aser Kudryavtseva natia points 4-6, 6-3 10-5 ngua Germany tsür, Anna-Lena Groenefeld aser Czech Republic tsür, Barbora Strycova na 1 buba round asaya nung tsükdaktsüba osang jangjaogo.
Tetsür World No. 1, America tsür, Serena Williams-ia Germany tsür, Laura Siegemund madak 1 buba round asaya koka tetsür singles 2 buba round asayatsü jenjang nguogo.
Serena-i points 6-2, 6-1   ngua Siegemund ayong ayonga tsükdakja liasü.
Ajisüaka, teyi Venus Williams-i 1 buba round asaya nung tamakok anguba osang jangjaogo.
Japan tsür, Kurumi Nara-i points 6-4, 6-3 ngua Venus madak takok angu.
Tetsür singles defending champion, Romania tsür, Simona Halep-ia points 6-1, 6-1 ngua Vania King madak takok nguogo.
India nunger Rohan Bopanna aser Romania nunger Florin Mergea natia Spain nunger Feliciano Lopez aser Marc Lopez na den par tetenzükba asaya asayatsü lemzüka lir.