Indian Wells: Rafael Nadal 4 buba round-i iogo

Indian Wells, March 16 (Agencies): Spain nunger Rafael Nadal-i külem sensopur, Fernando Verdasco madak takok ngua tang tasayadak Indian Wells asayamong tebur singles 3 buba round asayatsü jenjang yashi, Mongolbar nü nguogo.
Nadal-i points 6-0, 7-6 (11-9) agi Verdasco madak takok anguba sülen Germany nunger Alexander Zverev den 4 buba round asayatsü lemzüka lir.
Japan nunger Kei Nishikori-i points 7-6 (8/6), 7-6 (7/5) ngua America nunger Steve Johnson tsükdaktsüba sülen America nungersa, John Inser den 4 buba round asayatsü jenjang nguogo.
Tebur defending champion, Serbia nunger Novak Djokovic-ia points 7-5, 7-5 agi Germany nunger Philipp Kohlschreiber 3 buba round asaya nung tsükdaktsüogo.
Tetsür defending champion, Simona Halep-ia takok ngua quaterfinal-i aiba aser America tsür, Serena Williams-i points 6-2, 6-2 agi Ukraine tsür, Kateryna Bondarenko madak 4 buba round asaya akokba osanga jangjaogo.