Indian Wells: Serena, Halep nati kokogo

Metsüremi/March 9, 2019 (Agencies): BNP Paribas Open nung Hokolbar aonung Serena Williams 7-5, 6-3 agi Victoria Azarenka kokogo.
Asayar anaprongla ya küm ka tejakdang nubentsüba ajanga masayai arur tang mezüngbuba iba asayamung nung shilem agir. Tanur soa bentsüba sülen Williams-i Grand Slam final ana tonga asayaogo aser tetsür asayar rongnung top 10 tongogo.
Kasa mapang nung Azarenka, pa jabaso dak sendakba nung legal ken o ka nung densema liasü aser la taküm bentettsü merangba mapang ka lir.
Williams-i iba asaya ghonda ana ser minute ishika dang agia akok. Lai asaya nung ace pezü otet aser double faults teku mena. Lai break point 15 nungi 11 bo kümzüka liasü.
Kasa asayamung nung Switzerland tsür Stefanie Voegele-i 6-3, 6-0 agi Sloane Stephens madak ayong ayonga takok angu.
Asaya nung Stephens-i unforced errors 32 mena aser kasa mapang nung Voegele-i ace pezü tashi oteta liasü.
Maneni tanga asaya ka nung Simona Halep-i 6-2, 6-4 agi Barbora Strycova koka liasü. Seeded winner tem rongnung No. 12 Ashleigh Barty, No. 20 Garbine Muguruza, No. 22 Jelana Ostapenko, aser No. 18 Qiang Wang densema lir.
Taoba küm iba asayamung final tongteta asayala No. 14 Daria Kasatkina 6-2, 6-1 agi Marketa Vondrousova-i tsükdaktsü. No. 19 Caroline Garcia 6-3, 3-6, 6-0 agi Jennifer Brady-i akok; Johanna Konta-i 6-0, 6-2 agi No. 27 Su-Wei Hsieh akok aser No. 29 Mihaela Buzarnescu 6-2, 6-2 agi Daria Gavrilova-i tsükdaktsü.
Tebur kija asaya mezüngbuba round nung Steve Johnson-i külem America nunger Taylor Fritz 6-3, 6-3 agi akok aser Stan Wawrinka-i 6-7 (4), 6-3, 6-3 agi Daniel Evans koka liasü.
Tebur asayartem rongnung temaba jenjang nung alisang Novak Djokovic-i tarep asaya mezüngbuba round nung Fabio Fognini den külemi 7-6 (5), 6-1 agi Jeremy Chardy aser Milos Raonic na kokogo.