Indigenous Naga teloki ILP atema onük kar benoker

Kohima, August 02 (TYO): Tanü Indigenous Naga teloki Home Commissioner, Government of Nagaland dang shidi ka ajanga ILP inyakyim reprangshia asalentong yanglua inyaktsü tebilemba onük kar lemsatepogo, ta Indigenous Naga Convenor, Keneilwtou Zumvu-i sangdong ka ajanga metetdaktsü.
Indeginous Naga teloki benokba tebilemba onüktem:
* ILP inyakyim Dimapur District ajaklen benoktsü,
* ILP benoka inyaktsü atema Home Department kübok Nodal Officer ka shimtsü,
* Airport, Train Station, ISBT aser Nagaland House ajak nung ILP Cells lapoktsü,
* ILP Cells aser Check Gates ajak nung CCTV amenoktsü,
* Arrtsü tesemlen ILP Check Gates ano tali amenoktsü,
* ILP card nung barcode alitsü aser police station den Check Gates ajak nung barcode reader alitsü,
* Mita reprangtsü atema Village Council ajak nem tashi agutsütsü aser *Item regulations junga benokba maparen nung yaritsü atema ILP fee timba akumtsüla.
“ILP onük nung Cabinet-i tuyuba ama proposals benoktsü atema sorkar aser Home department-i memenoi inyaktsü ta Indigenous Naga teloki imlar,” ta kasa sangdong ajanga metetdaktsü.