IndiGo-i tayimtsü tasen 14 yimtaktsütsü

New Delhi, April 28 (Agencies) : India nung aliba yimti balala nung onoki tayimtsü tasen 14 yimtaktsütsü, ta Brihostibarnü IndiGo-i sangdong ka ajanga metetdaktsüogo.
IndiGo-i ashiba agi, tan item tayimtsü tasentem ayim tenzükba ajanga linük nung parnok airline tuluba akümtsü jenjang ka atongtsü.
May 1, 2016 nü nungi tenzüka Bengaluru nungi Ahmedabad, Kolkata nungi Hyderabad, Bengaluru nungi Jaipur aser Chennai nungi Kochi tashi tayimtsü tasen ayim tenzüktsü, ta parnoki ashi.
Iba sülen May 2, 2016 nü Kochi nungi Chennai aser Jaipur nungi Bengaluru tashi tayimtsü tasen ayim tenzüktsü, ta parnokisa ashi.
IndiGo-i, ano anogo ishika lir külen, May 6, 2016 nü Delhi nungi Srinagar aser Delhi nungi Jaipur tesemtem tashia tayimtsü tasen ayimba maparen tenzüktsü, ta ashi.
IndiGo nung Tir Said Aditya Ghosh-i, “Item tayimtsü tasentem yaa nüburtemi sapuba aser anisüngzük anguba tayimtsütem asütsü onok teimla lir,” ta ashi.
Tang IndiGo indang tayimtsü 759 tashi tesem 40 atema teyimtak lir.