Indira Banerjee SC nung tetsür rongnung judge 8buba kümogo

New Delhi, Luroi/August 04 (Agencies): Yashi Centre sorkari Chief Justice asem tenüng agizükba sülen Indira Banerjee Supreme Court nung tetsür rongnungi judge 8buba kümogo.
Banerjee ya Madras High Court nung Chief Justice teinyakdak, aser taruba Tentonü/Hombarnü la SC judge atema tenangzükba agitsü.
Tang mezüng Supreme Court nung tetsür judge asem alitsü, aser par asemji- R. Banumathi, Indu Malhotra aser Indira Banerjee nunger lir.
Yashi sangdong ka ajanga, “India Temzüng Arrla 124 kübok clause (2) nung agüja aliba tashi nung ajemdaker Tiri Supreme Court of India nung judge atema Madras High Court nung Chief Justice Indira Banerjee shimmer,” ta metetdakja liasü.
Tamalen Supreme Court nung tetsür judge shima aliba tetsür tenetji- Fathima Beevi, Sujata V. Manohar, Ruma Pal, Gyan Sudha Misra, Ranjana Prakash Desai, R. Banumathi aser Indu Malhotra nunger lir aser tang Indira shimogo.
Indira ya 2017 küm Rongchii/April 5 nü Madras High Court nung Chief Justice shima liasü.