Indira Gandhi-i jembiba o film ka nung amshitsü

New Delhi, June 17, 2016 : Tesüiba mapang India Ato Kilonser Indira Gandhi-i June 25, 1975 aonung All India Radio nung linük rangben atema ‘state of Emergency’ metetdaktsüba osang, thriller film “Sann Pachattar” nung amshitsü.

“Panic” ta tenüng agütsür aliba soundtrack ji Sandeep Madhavan-i kanga junga agizüka yanglushir lir.

“Nüngtugu tetsür Indira Gandhi-i ‘Emergency’ sangdongba osang ya amshitsü atema All India Radio aser video amshitsü atema Film Division of India nunger dang nungi temelaba agiogo kechiba süra ya parnoki bendanga ketdang asür,” ta film producer Kabir Lovee-i sangdong ka ajanga metetdaktsü.

Iba film ya Navneet Behal-i direct asür aser Kay Kay Menon-i tongti shilem agir.