Indira Gandhi Park yanglushitsü

Itanagar, February 4 (Agencies): Itanagar yimti tiyong nung aliba Indira Gandhi Park yakta yanglushitsü.
Afforestation Fund Management & Planning Authority (CAMPA) kübok department of Environment and Forests-i, tenem tekongtem yanglushitsü, aser park tebor jungdaktsütsü asoshi sentong tejangja yangluogo. Iba osang state CAMPA pezübuba senden amenba mapang metetdaktsü. Iba senden Chief Minister Pema Khandu lenisüba kübok tanü amen.
Senden nung telemtetba ajanga ashiba agi, CAMPA-i sen lakh 6 agütsüba ajanga Park yanglushitsü, aser iba nungji maneni Park nung asemertem aser jajartem atema lenmang balaka yanglutsü.
Iba senden nung chief minister-i state nung sanctuary tem indang süoka jembidang East Kameng nung aliba Pakke Tiger Reserve kümzüka aliba metetdaktsü, saka Changlang district nung aliba Namdapha Tiger Reserve and Wildlife Sanctuary mayimjemba ajanga nisungtemi ali atsüngbanga aruba tebilemtsütem lemsatep.
Iba dak sentakba nung district ketdangsertem aser panchayat tem nem item tesemtem kümzüka wazüka ayutsü asoshi tangtetba aser iba nung shilem agitsü asoshi ajungshitsü lemtet.
Iba senden nung Deputy Chief Minister Chowna Mein, Environment & Forests Parliamentary Secretary C T Mein, Chief Secretary, Principal Secretary aser Principal Chief Conservator of Forest (PCCF), PCCF (Wildlife), Commissioner Finance, Secretary Planning aser department balala nung ketdangsertem arua aden.