Indisen Arogotsür tenzüklatem bendangleni ao

Dimapur, March 23 (TYO) : Indisen Baptist Arogotsür Tenzüklatem Chennai nung oagi Leadership Training agiba den külemi bendanglima tesem tongtipangtem repranga senzür aruogo.
IBA Arogotsür tenzüklatem ya Chennai nung amongdang Practical Ministry, Fasting aser Training sentongtem agia liasü.
Iba sentong nung sarasadem mapang nung yaritepertemji- Mrs. Narola Longti aser Shisalen Sayurji Tsüngrem tenyar (Missionary) Wb. Moanükshi liasü.
Iba amongba mapang nung St. Thomas Mount ta ajaba tesem nung sarasadem mapang tajung temoatsü ngua agia liasü.
Iba sentong ya Indisen Baptist Arogotsür aser Temulungertemi tenlaba ajanga takok ngua agitetogo ta Tsüngrem tenüngsanga pelaba osang Asso. Pastor Women, Mrs. Asangla Pongen-i sangdong ka nung metetdaktsüogo.