Indisen nung tongti kiyongertemi yimdong merükteta among

December 22, 2016 nü Indisen Village Dimapur kübok Tongti Sector nung Swachh Bharat den Christmas jelia merükmejuba sentong ka agidang tangokba noksa angur.

Dimapur, Dec. 22 (TYO) : Dimapur aser temeket nung Aortemi akümba yim tajung rongnung Indisen yim ya ka lir. Iba yim ya Dimapur anülulentiptsütsü Assam arrtsülen aser tang iba yimtak kilen 90 shi lir.
Tanü Brehostibar nü iba yimtak Tongti kiyongertemi Christmas tenüng nung yimti yimdong ajak merükteta mongogo. Taküm 2016 küm Indisen yimtak Tongti kiyongertemi Christmas benjong chiyongdaktsür.
India government-ia iba yimti yimdong aser temeket merüka ayuba reprangteta parnok nem 2012 küm sempet agüja liasü.

Indisen nung tongti kiyongertemi yimdong merükteta among added by nungsang on December 22, 2016
View all posts by nungsang →