Individual sempet marishitsü asoshi Arsene-i Ronaldo ajungshir

London, November 06 (Agencies): Alima ajunga nung football asayar tajungtiba akümtsü konang arishisang, Cristiano Ronaldo-i individual sempet marishitsü tajungshiba olen ka Arsenal Manager, Arsene Wenger-i metetdaktsüogo.
Portugal national team captain, Ronaldo-i pa Argentina nunger Lionel Messi den asayar tajungba ta shia, World Footballer of the Year sempet agizüktsüji pa atema kanga dang tongtipang ta metetdakja lir.
Ajisüaka, individual shilem indang takokba aser konang arishiba ajanga Ronoldo-i par asayabaren nung tamakok ajurutsü akok ta Wenger-i metetdaktsüogo.
“Ronaldo aser Messi naprongla ya alima nung football asayar tajungba lir. Ajisüaka, tena tsüngda shiba tajungba ibaji tendangtsü nungdak madoker. Pei nija konang tali tabong arishiba ajanga football asayar tajung indang asayatsüren nung tetsükdakba tulu taoba mapanga ajurua lir,” ta pai ashi.
“Pei nija konang arishiba ajanga külem asayar den jenjang tajungba akümtsü meranga pei densemba telok nema tamakok bener arutsütsü ana nung lir. Anungji, asayartemi individual shilem indang konang marishitsüla,” ta Wenger-i shisem.